दक्षता थकायेत ट्राफिक नियन्त्रण तालिम
eBukhan – ईबुखँ डेस्क, २०८० फाल्गुण १०, बिहिबार वर्गीकृत समाज
ट्राफिक प्रहरीया दक्षता थकायेत काठमाडौं उपत्यका ट्राफिक प्रहरी ज्याकू रामशाहपथं ट्राफिक नियन्त्रण तालिम न्ह्याकूगु दु ।
बिहिबाः काठमाडौं उपत्यका ट्राफिक प्रहरी ज्याकुथिइ प्रहरी वरिष्ठ उपरीक्षक जीवनकुमार श्रेष्ठं तालिमया उलेज्या यानादिल ।
व इलय् प्रहरी वरिष्ठ उपरीक्षक श्रेष्ठं सडकय् सवारी साधनया चापयात व्यवस्थापन, सहज आवागमन व दुर्घटना न्यूनीकरण यायेत माःगु व्यावसायिक ज्ञान, सीप, कौशल तालिमय् बीगु धयादिल ।
थ्व प्रशिक्षणय् प्रशिक्षार्थीतयसं फक्व यक्व उत्सुक व सक्रिय जुयाः तालिम कायेमाःगुलिइ वयकलं बः बियादिल ।
ज्याझ्वलय् तालिम कजि प्रहरी नायव उपरीक्षक चन्द्र बहादुर थापां ४५न्हुया तालिमय् प्रहरी हवल्दार निम्ह, प्रहरी सहायक हवल्दार १म्१म्ह व प्रहरी जवान ४७म्हेसिया ब्वति दुगु जानकारी बियादिल ।
राष्ट्रिय प्रहरी प्रशिक्षण प्रतिष्ठान महाराजगंजया तत्वावधानय् जूगु तालिमय् ६० प्रहरी कर्मचारीतय् ब्वति दगु खः ।
