दक्षता अभिवृद्धिया नितिं ट्राफिक नियन्त्रण तालिम
eBukhan – ईबुखँ डेस्क, २०८० पौष २, सोमबार वर्गीकृत समाज
ट्राफिक प्रहरीयागु दक्षता अभिवृद्धिया नितिं काठमाडौं उपत्यका ट्राफिक प्रहरी ज्याकू रामशाहपथं ५० म्ह प्रहरी कर्मचारीतय्तगु ट्राफिक नियन्त्रण तालिम न्ह्याकूगु दु ।
राष्ट्रिय प्रहरी प्रशिक्षण प्रतिष्ठान महाराजगंजयागु तत्वावधानय् न्ह्याःगु तालिमयागु काठमाडौं उपत्यका ट्राफिक प्रहरी ज्याकूया प्रहरी वरिष्ठ उपरीक्षक राजेन्द्र प्रसाद भट्टं सोमबाः ज्याकुथिइ जूगु छगू ज्याझ्वलय् उलेज्या यानादिल ।
व झ्वलय् प्रहरी वरिष्ठ उपरीक्षक भट्टं सडकय् सवारी साधनया व्यवस्थापन, सहज आवागमन व दुर्घटना न्यूनीकरण यायेत माःगु व्यावसायिक ज्ञान, सीप, कौशल तालिमय् प्रदान जुइगु धयादिल ।
मेगु सरोकारवाला निकायतलिसेया समन्वय लगायतया विषयलय् ज्ञान बीगु थ्व प्रशिक्षणय् प्रशिक्षार्थीतयसं फक्व अप्व उत्सुक व सक्रिय जुयाः तालिम कायेमाःगुलिइ वयकलं बः बियादिल ।
ज्याझ्वलय् तालिम कजि प्रहरी नायव उपरीक्षक रबिन कार्कीं तालिम सम्बन्धी प्रतिवेदन न्ह्यब्वसें ४५न्हु ईया उगु तालिमय् प्रहरी हवल्दार निम्ह, प्रहरी सहायक हवल्दार गुम्ह व प्रहरी जवान ३९म्ह यानाः मुक्कं ५०म्ह प्रशिक्षार्थीतय् ब्वति दुगु जानकारी बियादिल ।
