थौं श्रीपंचमीया झ्वलय् विद्याया सरस्वतीया आराधना यासें हंगु दु । थौंया दिनय् थीथी स्कूल, कलेजलिसें थीथी संघसंस्थां नं विद्यार्थी लक्षित ज्याझ्वः यानाः पर्व हंगु दु ।

थ्व हे झ्वलय् येँया त्वाःयात थायमदु त्वाःपुचलं नं विद्यार्थीतयत शैक्षिक ज्वलं इंगु दु । पुचलं स्कूलया न्यासःम्ह विद्यार्थीतयत कापि, कलम, इरेजर, सार्पनर व वर्णमालाया सफू इंगु खः।

पुचलं वंगु स्वदँ न्ह्यःनिसें श्रीपंचमीया दिनय् विद्यार्थीतयत कापि, कलम, इरेजर, सार्पनर थुगुसीनिसें वर्णमालाया सफू नं ब्यूगु खः ।

पुचलं मेगु सामाजिक ज्याखँत यायेगु झ्वलय् सायाःबलय् २५ वडा दुने दछि दुने मदुपिनिगु श्रद्धाञ्जली सभा, इन्द्रजात्राया झ्वलय् थायमदुइ द्यःप्याखं, सास्कृतिक ज्याझ्वःत यानावःगु दु ।