युरोपेली युनियन (इयु) या नेपाःया नितिं राजदूत भेरोनिक लोरेन्जों चन्द्रागिरी नगरपालिकाया भ्रमण यानादीगु दु ।

लोरेन्जोलिसें इयु व युनोपस्‌ (ग्ल्इएक्) या उच्च स्तरीय प्रतिनिधिमन्डलं बुधबाः चन्द्रागिरि नगरपलिकाया भ्रमण याःगु खः ।

राजदुत लोरेन्जोलिसे चन्द्रागिरी नगरपाकिला थ्यंगु प्रतिनिधिमण्डलं नगरप्रमुख घनश्याम गिरिलिसे बःचाहाकःगु मुँज्या च्वनेधुंकाः बलंबुया सांस्कृतिक थाय्‌बाय्‌या भ्रमण याःगु खः ।

व इलय् लोरेन्जों चन्द्रागिरि नगरपलिकां थःलिसें थःगु संस्थायात तकं प्रभावित याःगु धयादिल ।

नगरपालिकालिसे सहकार्य यानाः युनोप्सं थुगु नगरपालिकाय् मूल रुपं महिला सशक्तिकरण व चकंगु थाय् व्यवस्थापनया नितिं बजेट निष्कासन यायेत रुचि क्यंगु चन्द्रागिरी लाेरेन्जाें धयादिल ।

चन्द्रागिरी भ्रमणया नितिं थ्यंगु उच्चस्तरीय प्रतिनिधि मन्डलय्‌ पाओलो आस्तिदिल्लो (एसिया पेसिफिकया निति इयुया बाह्य मामिला), नेपालया नितिं इयु प्रतिनिधित रीन्स्जे तेरिङ, मार्ता स्जिलागि, रोसाल्बा तुसेओ, इल्लिजाक गुबिक, युनोप्स् नेपालया प्रोजेक्ट मेनेजर, युनोप्स प्रतिनिधित नीलम धनुशे, नीलम श्रेष्ठया लिसें निगुलि संस्थाया कार्यकारी थ्यंगु खः ।

चन्द्रागिरि नगरपलिकाया प्रमुख प्रशासकिय अधिकृत हेमराज अर्याल, प्रमुख प्रशाशकिय अधिकृत भद्रा अर्याललिसें मेपिं अधिकृततय् नं बैठकय् उपस्थिती दुगु खः ।